«Qazaqstan» telearnasynda 32 serııaly «Qyzdar» telehıkaıasy efırge shyǵady (FOTO)
ASTANA. QazAqparat - 23 sáýir kúni jastardyń romantıkalyq komedııa janrynda túsirilgen jańa, 32 serııaly «Qyzdar» telehıkaıasy efırge shyǵady. Telehıkaıa «Qazaqstan» Respýblıkalyq teleradıokorporatsııasynyń tapsyrysy boıynsha «Kórkem fılm» kınostýdııasymen túsirilgen.
Hıkaıa sıýjeti bir-birine múldem uqsamaıtyn tórt boıjetken oqıtyn qazaqstandyq bedeldi joǵary oqý oryndarynyń birinde órbıdi. Olardyń ekeýi - Aılan men Mereı aýqatty otbasynan shyqqan qyzdar. Al Aızere men Qanekeı - ómir boıy ózderine ǵana senip úırengen jandar. Tórteýi eshqashanda dos bolmas edi, biraq olardy biriktirgen bir-aq nárse bar - jýrnal shyǵarý isi. Jaı ǵana jýrnal emes, eń úzdik, zamanaýı, sándi, ári tanymal jýrnal shyǵarý isi!
Redaktsııa qurý jáne jýrnalda qyzmet etý jalpylama oqıǵalardyń alańyna aınalady. Jastar úshin mańyzdy bolyp tabylatyn mahabbat pen dostyq, alǵashqy ómirden túńilý men aıyrylysýlar, jaqyn adamdarǵa degen adaldyq pen Otanyna degen qarym-qatynas - osynyń bárin hıkaıadan kórýge bolady.
Hıkaıa keıipkerleri óziniń barlyq jańalyqtarymen jýrnal betterinde bólisip otyrady. Stýdentterdi tolǵandyryp júrgen máselelerdiń mańyzdy taqyrybyna aınalǵan maqalalar hıkaıanyń bir-bir serııasyna aınalady.
Hıkaıa zamanaýı jastardyń naǵyz «ómir entsıklopedııasyna» aınala alady. Hıkaıada alǵa qoıǵan maqsat, ynta jáne kishkentaı ǵana batyldyqtyń arqasynda 17 jastyń ózinde salmaqty ári táýelsiz jan bolýǵa bolatyny kórsetiledi.
