«Qazaqstan» telearnasy jáne «Eýrazııa» birinshi arnasy fýtboldan HH álem chempıonatyn kórsetý quqyǵyna ıe boldy
ALMATY. 8 tamyz. QazAqparat - «Qazaqstan» telearnasy jáne «Eýrazııa» birinshi arnasy endigi jyldyń televızııa maýsymynyń basty oqıǵasy bolǵaly turǵan Brazılııada 2014 jylǵy 12 jáne 13 maýsymda ótetin fýtboldan HH álem chempıonatyn taratý quqyǵyna ıe boldy.
Búginde «Eýrazııa» birinshi arnasy qazaqstandyq buqaralyq aqparat quraldary naryǵynda eń kóp qaralatyn telearna bolyp tabylady. Arnanyń tehnıkalyq qamtýy QR aýmaǵynyń 84%-yn quraıdy, al onyń reıtıngisi el aýmaǵynda habar taratatyn efırlik telearnalardyń kez-kelgeniniń kórsetkishterinen asyp túsedi.
Sonymen qatar, álem chempıonaty kezinde «Eýrazııa» birinshi arnasynyń tilshileri aıaqdop alamany ótetin oryndarda jumys isteıtin bolady, telekórermender dástúrli taldaýlar jáne oıynnyń eń jarqyn sátteri beriletin álem chempıonatynyń 45-mınýttyq kórkem kúndelikterin kóre alady.
Habar taratý qazirgi sandyq formatta júrgiziledi jáne translıatsııany www.1tv.kz web-saıtynan da kórýge bolady.
