«Qazaqstan» telearnasy «Jańa tolqyn» baıqaýyn tikeleı efırde translıatsııalaıdy
ASTANA. QazAqparat - «Qazaqstan» Respýblıkalyq teleradıokorporatsııasy «Jańa tolqyn - 2014» jas ánshilerdiń on úshinshi baıqaýyn Qazaqstan aýmaǵynda tikeleı efırde traslıatsııalaýdyń aıryqsha quqyǵyn alǵash ret ıelenip otyr.
Baıqaý 22 men 27 shilde aralyǵynda latvııanyń ıÝrmala qalasynda ótedi, dep habarlady «Qazaqstan» RTRK» AQ baspasóz qyzmeti.
Tikeleı efırdegi translıatsııany qazaq tilinde belgili jýrnalıst Ashat Sadyrbaı júrgizedi. Onymen birge «Dzıntarı» kontserttik zalynyń sahnasyndaǵy baıqaý týraly otandyq estrada juldyzdary habarlap turady.
2014 jyly álemniń 45 memleketinen 15000 jas talant osy baıqaýǵa qatysý týraly ótinim bildirgen bolatyn. Alaıda, aqtyq saıysta 13 memleketten 16 qatysýshy ǵana baq synasady.
Atalǵan halyqaralyq baıqaýda Qazaqstannyń atynan Álisher Kárimov óner kórsetpek. Ol 2005 jyly Superstar.KZ jobasyna qatysyp, tanymal boldy. Budan buryn da halyqaralyq baıqaýlarǵa qatysyp, 2001 jyly Vıtebsk qalasynda «Slavıanskıı bazar» XX halyqaralyq óner festıvaline qatysyp, úshinshi oryn ıelenip, «Reseıdiń BAQ-tarynyń arnaıy júldesine» ıe boldy. Sondaı-aq, Álisher «World Champion ships of Performing Arts», AQSh (2007 jyl) nagradasynyń jáne «Erevan shaqyrady -2012» halyqaralyq pop mýzyka festıvaliniń úshinshi júldeli ornyn enshilegen bolatyn. Jaqynda ártis «Shúkir» atty úshinshi albomyn jaryqqa shyǵardy.
Qazaqstan bıyl bul baıqaýǵa 12-inshi ret qatysqaly tur. Ár jyldary bizdiń memleketimizden Dılnaz Ahmadıeva, Maqpal Isabekova, Aıqyn Tólepbergen, Qaırat Túntekov sııaqty ánshiler men Rin'Go toby qatysqan bolatyn. Ótken jyly ıÝrmalada bizdiń memleketimizdiń namysyn ánshi Adam qorǵaǵan edi.
Á.Kárimovtiń prodıýseri Altynbek Rahmetovtiń habarlaýynsha, baıqaýdyń alǵashqy kúni «Álemdik hıt» taqyrybynda Álisher Adrıano Chelentanonyń (Adriano Celentano) «Confessa» ánin oryndamaqshy. Baıqaýdyń ekinshi kúni ánshi «Jańa tolqyn - 2010» baıqaýynyń ekinshi oryn ıegeri ýkraındyq oryndaýshy Tatıana Shırkomen dýet oryndaıdy. Baıqaýdyń úshinshi kúni «Premeralar kúni» dep atalady. Qatysýshylar jańa ánder oryndaýǵa mindetti. Álisher kópshiliktiń nazaryna «Árıne» ánin usynbaqshy. Bul ándi arnaıy osy baıqaýǵa jas aqyn Talant Arǵynǵalı men kompozıtor Ǵalymbek Ismbergenov jazǵan bolatyn. Álisher ánniń birinshi bóligin qazaq tilinde oryndasa, ekinshi bóligin orys tilinde oryndamaqshy.
«Jańa tolqyn» tanymal mýzykany oryndaýshylardyń halyqaralyq baıqaýy tek Reseı men Latvııanyń ǵana emes, sonymen qatar jaqyn jáne alys shet el memleketteriniń keń kólemdegi mýzykalyq oqıǵasy bolyp tabylady. Saıyskerlerdiń jeńiske umtylýyn, olardyń saıystyq baǵdarlamasyna mıllıondaǵan telekórermenderdiń qyzyǵýshylyǵyn oıatýy, «Jańa tolqyn» baıqaýynyń búkil Eýrazııa qurlyǵynyń jyl saıyn kútiletin mýzykalyq jańalyǵy bolyp tabylatyny daýsyz.
Baıqaýdyń basty maqsaty - daryndy jastardy anyqtaý. Bul sharany alǵash ret uıymdastyrý týraly usynysty 2002 jyly Igor Krýtoı men Raımond Paýls usynǵan.
