«Qazaqstan» telearnasy jańa telemaýsymda kórermenderge qaıtalanbas áser syılamaq
ASTANA. QazAqparat - "Qazaqstan" telearnasy jańa maýsymnyń kórsetilimin bastaýǵa ázir. "Qazaqstannyń" eń myqty degen jobalar komandasy kórermenderge efırde áli de kóp qaıtalanbas emotsııalar usynbaq.
Jańa maýsymdy "Qazaqstan" telearnasy mıllıondaǵan qazaqstandyqtardyń kózaıymyna aınalǵan reıtıngti jobalarymen ashpaq.
17 tamyz kúngi tańda "Tańsholpan" tańǵy shoý júrgizýshileri Irına Ten men Janserik Berikqazyulynyń (7:00-de) kórermendermen jańa jańalyqtar jáne jaǵymdy emotsııalarmen, paıdaly keńestermen bólisip, qyzyqty jáne pozıtıvti adamdarmen sóılesý úshin efırge shyǵatyn bolady.
Burynǵy tanystarmen jańa kezdesýler Qurmanbek Jumaǵalıdiń senbilik keshterin kórkeıtetin bolady. "Senbilik kezdesý" 22 tamyzdan bastalady. Stýdııadaǵy alǵashqy qonaqtar ánshi jáne kompozıtor Ulyqpan Joldasov, QR halyq ártisi Doshan Joljaqsynov, ánshi Qaırat Nurtas bolady.
Jańa maýsym qarsańynda Láılá Sultanqyzy kórermender úshin eń sezimtal jáne shynaıy ómir oqıǵalaryn ázirlep qoıdy. Áleýmettik mańyzy zor taqyryptar talqyǵa salynatyn Qazaqstannyń basty "Áıel baqyty" áıelder tok-shoýy efırge 24 tamyzda shyǵady.
"Qazaqstan" telearnasynyń kórermenderi Nurlan Qoıanbaevtyń stýdııasynda eki ese áserli shoýǵa kýá bolady. Efır - 25 tamyzda. "Túngi stýdııada" jobasynyń qonaqtaryna arnalǵan tosyn suraqtar ázirlenip te úlgerdi.
Keńinen tanymal "Qazaqstan daýysy" shoýy 20 qyrkúıekten bastap taǵy efırge jol tartady. Ol úshinshi maýsym kúni bastalmaq, dep habarlaıdy telearnanyń baspasóz qyzmeti.
Sondaı-aq, 29 qyrkúıekte "Qazaqstan" arnasynyń efırinde "Namys doda" sporttyq-oıyn-saýyq shoýynyń úshinshi maýsymy bastaý alady. Joba júrgizýshileri - Nurlan Qoıanbaev pen Ashat Sadyrbaı. Osy jyly tartystarǵa toly doda Qytaıdyń Haınan aralynda ótpek. Bizdiń quramaǵa qarsy Qytaı, Vengrııa, Frantsııa men Aljır komandalary shyqpaq. Qazaqstan 2012 jyly jeńimpaz bolyp ta úlgerdi.
