«Qazaqstan» telearnasy almatylyq «Qaırattyń» Eýropa Lıgasyndaǵy matchtaryn kórsetedi
ASTANA. QazAqparat - «Qazaqstan» teleradıokorporatsııasy eýropalyq sport jarystarynda qazaqstandyq fýtboldy qoldaýǵa óz úlesin qosýda. ÝEFA Eýropa Lıgasynyń barlyq biliktilik kezeńindegi quramanyń úıdegi jáne syrttaǵy matchtaryn translıatsııalaý týraly «Qaırat» fýtbol klýbymen kelisim jasaldy.
Eýrokýboktyń aldyńǵy matchyn jankúıerler «Kazsport» telearnasynan kóre alady. Qazaqstandyq «Qaırat» jáne armenııalyq «Alashkert» klýby 16 shilde kúni Almatynyń Ortalyq stadıonynda Eýropa Lıgasynyń ekinshi biliktilik raýndy sheńberinde kezdesý ótkizedi. Tikeleı translıatsııa Astana ýaqyty boıynsha saǵat 20.35-te bastalady.
Keıingi kúnderi de «Kazsport» telearnasy tikeleı efırde kóre almaǵan jankúıerler úshin oıynnyń qaıtalaýyn taǵy birneshe ret kórsetedi.
Esterińizge sala keteıik, Eýropa Lıgasynyń birinshi biliktilik raýndy sheńberinde «Qaırat» eki matchtyń upaı jıyntyǵy boıynsha serbııalyq «Tsrvena Zvezda» quramasynan ozyp tústi. Belgradta almatylyqtar birinshi oıynda 2:0 esebimen, al Almatyda ótken ekinshi kezdesýde 2:1 esebimen utqan bolatyn.
