Qazaqstan tek alty ónim boıynsha ımportqa táýeldi - AShM

ASTANA. QazAqparat - Qazaqstan azyq-túlik ónimderiniń alty túrin ımporttan ákelýge májbúr, dep habarlady búgin Ortalyq kommýnıkatsııa qyzmetinde ótken baspasóz máslıhatynda QR Aýyl sharýashylyǵy mınıstrliginiń jaýapty hatshysy Arman Evnıev.

«Eń mańyzdy degen 29 azyq-túlik ónimderiniń túrleri bar. Onyń ishinde: et, sút, nan, kókónister jáne taǵy basqalary kiredi. Olardyń qatarynda 6 ónimdi otandyq óndirýshiler eldiń tek 80 paıyzyn qamtamasyz ete alýda. Olar - qant, taýyq eti, sary maı jáne taǵy sol sııaqty ónimder.

Sondyqtan «Agrobıznes -2020» aıasynda osy salalar basymdyqqa ıe. Osylarǵa biz úlken kóńil bólemiz. Bul salalar boıynsha sheberlik josparlary jasalyp, qarajattar bólinýde. Qalǵan ındıkatorlar boıynsha bizde 80 paıyzdan joǵary. Keıbir kórsetkishter boıynsha ishki naryqty 100 paıyzdyq qamtýdy kórip otyrmyz», - dedi ol. «Agrobıznes -2020» baǵdarlamasy aıasynda Qazaqstanda 2020 jylǵa deıin bes et kombınatynyń qurylysyn júrgizýge, 135 sút, 56 et, 5 kókónis óńdeýshi kásiporyndy jańǵyrtýǵa qarjy bólý josparlanýda, sonymen qatar jeti qant jáne maı shyǵarý zaýyttaryn salý kózdelgen.