Qazaqstan teatrlary qaýymdastyǵy elimizdiń rýhanı-mádenı ómirine eleýli úles qosady- Ábdiqalyqova
Bul týraly Aqordanyń baspasóz qyzmeti habarlady.
Іs-sharaǵa Parlament depýtattary, Mádenıet jáne sport mınıstri A.Muhamedıuly, elimizdiń tanymal mádenıet jáne óner qaıratkerleri qatysty.
Memlekettik hatshy quttyqtaý sózinde el damýyndaǵy mádenıet pen ónerdiń mańyzdy róline Qazaqstan Prezıdentiniń aıryqsha mán beretinin atap ótti. Táýelsizdik jyldarynda «Mádenı mura» memlekettik baǵdarlamasy júzege asyryldy, búginde 52 teatr tabysty jumys isteıdi, jańadan «Astana Opera», «Astana Balet» teatrlary, sondaı-aq Qazaq ulttyq óner ýnıversıteti, Qazaq ulttyq horeografııa akademııasy ashyldy.
Sonymen qatar Gúlshara Ábdiqalyqova 2016 jyly qurylǵan Qazaqstan teatrlary qaýymdastyǵy elimizdiń rýhanı-mádenı ómirine jáne jastardyń shyǵarmashylyq áleýetin damytýǵa eleýli úles qosatynyna, «Qazaqstannyń úshinshi jańǵyrýy: jahandyq básekege qabilettilik» atty joldaýda Memleket basshysy aıqyndap bergen maqsattardy iske asyrýǵa septigin tıgizetinine senim bildirdi.
«Sahnager» ulttyq teatr syılyǵy eńbekke degen oń kózqaras qalyptastyratyn shyǵarmalar týdyryp, eldiń birtutas mádenı keńistigi aıasyn keńeıtýge, qazaqstandyq patrıotızmdi damytýǵa, ulttyq mádenıetke degen súıispenshilikti arttyrýǵa qosqan úlesi úshin beriledi.
