Qazaqstan Tájikstannyń negizgi saýda seriktesteriniń úshtigine endi

DÝShANBE. KAZINFORM – Byltyr Tájikstannyń syrtqy taýar aınalymy 20%-ǵa tómendedi, dep habarlaıdy Kazinform agenttiginiń tilshisi.

Tájikstan Statıstıka agenttinen málim etkendeı, 2024 jyly resmı Dýshanbe álemniń 121 elimen saýda-sattyq jasady. Qamtylyp otyrǵan aralyqta eksport 20,5%-ǵa kemip, 1,94 mlrd dollar boldy. Al ımport 19,2%-ǵa artyp, 7 mlrd dollardan asty.

Bul rette tájikstandyq taýarlar eksporty negizinen Qytaı (jalpy kólemniń 21,1%), Shveıtsarııa (19,4%) jáne Qazaqstanǵa (10,1%) baǵyttalyp jatyr. Tıisinshe, byltyr resmı Dýshanbe Reseı (26,9%), Qytaı (22,1%) jáne Qazaqstannan (15,6%) ımportty 1,5 ese arttyrdy.

Eske salaıyq, ótken jyly Qazaqstan men Tájikstan arasynda saýda-sattyq kólemi 7 paıyzǵa artty.

Munymen birge, Qazaqstan Tájikstannan elektr energııasyn ımporttaýdy josparlap otyrǵanyn jazyp edik.

Buǵan deıin habarlaǵanymyzdaı, Tájikstannyń memlekettik qaryzy 3,4 mlrd dollarǵa jetti.