Qazaqstan Tájikstannyń eń iri úsh saýda seriktesiniń biri bolyp qala bermek
ASTANA. KAZINFORM — Qańtar-qazan aılarynda Qazaqstan men Tájikstan arasyndaǵy ózara saýda 30,3%-ǵa ósip, shamamen 1,28 mıllıard dollarǵa (shamamen 574,4 mıllıard teńge) jetti, dep habarlaıdy Kazinform agenttiginiń Dýshanbedegi menshikti tilshisi.
Tájikstan statıstıka agenttiginiń málimetteri boıynsha, Tájikstannyń osy jyldyń qańtar-qazan aılaryndaǵy syrtqy saýda aınalymy 11,79 mıllıard dollar bolady. Bul byltyrǵy osy kezeńmen salystyrǵanda 35,1% kóp. Tájikstan 133 elmen, onyń ishinde 10 TMD elimen saýda jasaıdy.
Qytaı Tájikstannyń jetekshi saýda seriktesi. Alǵashqy on aıda eki el arasyndaǵy saýda aınalymy 1,5 esege ósip, 3,34 mıllıard dollarǵa jetti.
Reseı ekinshi orynda. 2026 jyldyń qańtar-qazan aılary aralyǵynda bul elmen saýda shamamen 2,1 mıllıard dollardy qurady (ósim 11,4%). Úlken úshtikti Qazaqstan túgendep tur.
Buǵan deıin Qazaqstan Tájikstanǵa 100 myń tonna bıdaı jetkizýge keliskeni habarlanǵan bolatyn.