Qazaqstan Tájikstanmen ulttyq valıýtanyń ózara aıyrbastalýy týraly kelisimdi buzdy

ASTANA. KAZINFORM – Úkimette «QR Úkimeti, QR Ulttyq banki jáne Tájikstan úkimeti, Tájikstan ulttyq banki arasyndaǵy ózara aıyrbastaýdy qamtamasyz etý jáne qazaqstandyq teńge men tájik somonıiniń baǵamyn turaqtandyrý sharalary týraly kelisimniń kúshin joıý jóninde» qaýly qabyldandy.

«1999 jyly 16 jeltoqsanda Dýshanbede jasalǵan QR Úkimeti, QR Ulttyq banki jáne Tájikstan úkimeti, Tájikstan ulttyq banki arasyndaǵy Qazaqstan teńgesi men tájik somonıiniń ózara aıyrbastalýyn jáne baǵamyn turaqtandyrýdy qamtamasyz etý jónindegi sharalar týraly kelisimniń kúshi joıylsyn», - delingen qujatta.

QR Syrtqy ister mınıstrligine Qazaqstan Úkimetiniń kelisimniń kúshin joıý nıetin zańnamada belgilengen tártippen Tájikstan úkimetin habardar etý uıǵaryldy.

Qaýly 2024 jylǵy 22 mamyrdan bastap kúshine enedi.