Qazaqstan, Tájikstan jáne Ózbekstan Túrkistan oblysy dıqandaryn sýmen qamtamasyz etý máselesin talqylady
ASTANA. KAZINFORM - Sý resýrstary jáne ırrıgatsııa mınıstri Nurjan Nurjigitov 2026 jylǵy maýsym–tamyz aılarynda «Bahrı-Tochık» sý qoımasynyń jumys rejımin kelisý máselesine arnalǵan Qazaqstan, Tájikstan jáne Ózbekstan sý sharýashylyǵy jáne energetıka vedomstvolary men uıymdarynyń otyrysyna qatysty.
Іs-sharaǵa Tájikstan Respýblıkasynyń Energetıka jáne sý resýrstary mınıstri Daler Djýma, Ózbekstan Respýblıkasynyń Sý sharýashylyǵy mınıstri Shavkat Hamraev, sondaı-aq Ózbekstan Respýblıkasynyń Energetıka mınıstri Jýrabek Mırzamahmýdov qatysty.
Kezdesý barysynda taraptar aldaǵy vegetatsııa kezeńine arnalǵan «Bahrı-Tochık» sý qoımasynyń jumys rejımi boıynsha usynystaryn tanystyrdy. Bul kezeńde Túrkistan oblysynyń Maqtaaral jáne Jetisaı aýdandary dıqandarynyń qajettiligi úshin memleketaralyq «Dostyq» kanaly arqyly sý berý josparlanyp otyr.
Jıynǵa qatysýshylar qaralǵan máseleler boıynsha pikir almasyp, birlesken hattama jobasynyń jekelegen parametrleri boıynsha konsýltatsııalardy jalǵastyrýǵa kelisti.
– Bizdiń birlesken jumysymyz jyldan-jylǵa transshekaralyq sý resýrstaryn ádil bólýge múmkindik berip keledi. Qazaqstan Syrdarııa ózeni basseınindegi turaqty sý sharýashylyǵy jaǵdaıyn qamtamasyz etý baǵytyndaǵy ózara is-qımyldy jalǵastyrýǵa daıyn ekenin rastaıdy. Biz úshin qabyldanatyn sheshimderdiń barlyq taraptyń múddesin eskerýi asa mańyzdy, – dedi Sý resýrstary jáne ırrıgatsııa mınıstri Nurjan Nurjigitov.
Aıta keteıik, Qazaqstan Ortalyq Azııa elderiniń ishinde jan basyna shaqqanda sýdy eń únemdi tutynǵan el boldy.
