Qazaqstan Tájikstanǵa ókpeni jasandy jeldetý apparattaryn jiberdi

NUR-SULTAN. QazAqparat – Qazaqstan Tájikstanǵa 100 mobıldi ókpeni jasandy jeldetý apparatyn jiberdi, dep habarlaıdy QazAqparat tilshisi.

QR Indýstrııa jáne ınfraqurylymdyq damý mınıstrliginiń habarlaýynsha, Qazaqstan «Kókshetaý-4P» atalatyn ókpeni jasandy jeldetý mobıldi apparattarynyń 100 jıyntyǵyn avtokólikpen jóneltken.

QR Indýstrııa jáne ınfraqurylymdyq damý mınıstrligi atalmysh qurylǵylardy QR Prezıdenti Qasym-Jomart Toqaevtyń tapsyrmasyn jáne QR Úkimetiniń 2020 jylǵy 10 jeltoqsandaǵy № 837 «Tájikstan Respýblıkasyna resmı gýmanıtarlyq kómek kórsetý týraly» qaýlysyn oryndaý sheńberinde jibergen.

Esterińizge salaıyq, «Kókshetaý-4P» apparattary Kókshetaýdaǵy «Tynys» zaýytynda qurastyrylady.

«Kásiporyn aıyna shamamen 500 qurylǵy shyǵarady. Al bir apparattyń baǵasy 750 myń teńgeni quraıdy. Bul qurylǵylar mobıldi túrde jumys isteıdi. Mysaly, olardy jedel járdemge ornatýǵa nemese úıde paıdalanýǵa bolady», - dedi mınıstrlikten.