Qazaqstan Tájikstanǵa gýmanıtarlyq kómek kórsetti

NUR-SULTAN. QazAqparat – Qazaqstan Elshisi Asqar Tájibaev Tájikstanǵa gýmanıtarlyq kómekti tapsyrý rásimine qatysty, dep habarlaıdy QazAqparat QR SІM baspasóz qyzmetine siltememen.

Ol Qazaqstan Úkimetiniń Qaýlysyna sáıkes, Tájikstanǵa onyń quramyna ókpeni jasandy jeldetý jáne ottegi ıngalıatsııasy bar «Kokchetav-4P» 100 portatıvti apparattaryn tapsyrdy.

Gýmanıtarlyq kómekti Tájikstannyń Densaýlyq saqtaý jáne halyqty áleýmettik qorǵaý mınıstri Djamolıddın Abdýllozoda qabyldady.

Elshi óz sózinde Tájikstan – Qazaqstannyń senimdi seriktesi jáne odaqtasy, dostyq pen tatý kórshilikke negizdelgen strategııalyq yntymaqtastyq pen eki baýyrlas el arasyndaǵy ózara is-qımyl, onyń ishinde gýmanıtarlyq ólshemde de qarqyndy damyp, nyǵaıyp kele jatqanyn atap ótti.

Óz kezeginde D. Abdýllozoda tájik tarapy Qazaqstan Úkimetiniń kórsetken kómegin joǵary baǵalaıtynyn jetkizdi.