Qazaqstan Tájikstanǵa bıdaı men un eksportyn arttyrýǵa daıyn
«Bıyldyń ózinde maýsymaralyq kezeńde Tájikstannan Qazaqstanǵa áleýmettik mańyzy bar agroónimderdi jetkizý týraly ýaǵdalastyqqa qol jetkizildi. Bul bizdiń ózara is-qımylmyzdyń shegi emes ekenine senimdimin. Meniń tapsyrmam boıynsha jyl basynan beri qazaqstandyq bıznes ókilderi bar birneshe delegatsııa Tájikstanǵa baryp úlgerdi. Tájikstanǵa jyly qabyldaǵany úshin alǵys aıtqym keledi. Biz óz tarapymyzdan kúnbaǵys maıy, bıdaı jáne un eksportyn arttyrýǵa daıynbyz. Forým alańynda tıisti kommertsııalyq ýaǵdalastyqtarǵa qol qoıylady», - dedi Serik Jumanǵarın.
Onyń dereginshe, eki eldiń temirjol tasymaly arqyly eksporttyq-ımporttyq júkterdi tasymaldaý kólemi de artyp keledi. Máselen, ótken jyly tasymal kólemi 563 myń tonnaǵa jetip, 2021 jylmen salystyrǵanda 90 myń tonnaǵa artty.
«Buǵan qosa, avtokólikpen tasymaldaý da 66 paıyzǵa artyp, 288 myń tonnaǵa jetti», - dedi vıtse-premer.
