Qazaqstan Tájikstanǵa áskerı-tehnıkalyq kómek kórsetpek

ASTANA. QazAqparat - QR Parlament Májilisi «Qazaqstan Úkimeti men Tájikstan Úkimeti arasyndaǵy Óteýsiz áskerı-tehnıkalyq kómek kórsetý týraly kelisimdi ratıfıkatsııalaý týraly» zań jobasy boıynsha jumysty bastady, dep habarlaıdy QazAqparat tilshisi.

«Bul kelisimniń maqsaty - Qazaqstan Respýblıkasynyń Tájikstan Respýblıkasyna áskerı múlikti berý túrinde óteýsiz áskerı-tehnıkalyq kómek kórsetý. Osy kelisim aıasynda áskerı múliktiń tizimi, oq-dáriler, qajetti quraldar, ınjenerlik jáne medıtsınalyq jabdyqtar, múliktiń jetkizilýi tártibi, sondaı-aq taraptardyń múlikti berýmen baılanysty mindettemeleri anyqtalady», - dedi palatanyń Halyqaralyq ister, qorǵanys jáne qaýipsizdik komıtetiniń tóraǵasy Muhtar Erman Májilistiń jalpy otyrysynda.

Osy oraıda ol komıtet atalǵan zań jobasyn jumysqa alýǵa jáne ol boıynsha 2019 jylǵy 25 jeltoqsanǵa deıingi merzimde qorytyndy ázirleýge daıyn ekenin atap ótti.