Qazaqstan Tájikstan men Qyrǵyzstanǵa gýmanıtarlyq kómek kórsetedi

ASTANA. QazAqparat - Búgin Úkimet úıinde QR Premer-mınıstriniń birinshi orynbasary Baqytjan Saǵyntaev Halyqaralyq gýmanıtarlyq kómek máseleleri boıynsha komıssııanyń birinshi otyrysyn ótkizdi, dep habarlaıdy primeminister.kz.

Sel men sý tasqyndarynan zardap shekken Tájikstanda qalyptasqan jaǵdaıdy esepke ala otyryp, komıssııa Qazaqstan Úkimetine bul elge resmı gýmanıtarlyq kómek kórsetýge keńes berdi. Tájikstannyń zardap shekken aýdandaryna et jáne sút konservileri, ósimdik maıy jáne sary maı, un, makaron ónimderi jetkiziledi.

Budan basqa, komıssııa 2015 jyldyń qarashasynda qatty jer silkinisinen zardap shekken Qyrǵyzstanǵa gýmanıtarlyq kómek kórsetýge keńes berdi. Bul elge jatyn tósek-oryndar, ydys-aıaqtar, peshter, qysqy shatyrlardy jetkizý josparlanyp otyr.