Qazaqstan táýelsizdik jyldarynda jazǵy Azıadadan qansha medal jeńip aldy

ASTANA. QazAqparat - Qytaıdyń Hanchjoý qalasynda ótetin jazǵy Azııa oıyndarynyń bastalýyna sanaýly kúnder ǵana qaldy, dep habarlaıdy QazAqparat tilshisi.

Osy oraıda ótken oıyndardy eske túsire ketkendi jón sanap otyrmyz.

Jazǵy Azıadaǵa Qazaqstan táýelsiz el retinde 1994 jyldan bastap qatysa bastady. Sodan búgingi kúnge deıin Qazaqstan quramasy 7 márte jarys jolyna shyqty.

Qazaq sportshylary alǵashqy jazǵy Azıadaǵa jeke el retinde Japonııanyń Hırosıma qalasynda ótken oıyndardan beri qatysa bastady.

Onda otandastarymyz 25 altyn, 26 kúmis, 26 qola medalmen jalpykomandalyq esepte tórtinshi orynǵa taban tiredi.

Ekinshi oıyndy 1998 jyly Bangkokte ótkizip, Taılandtan keıingi 5-orynǵa turaqtady.

Al 2002 jyly Ońtústik Koreıanyń Pýsan qalasynda ótken oıynda 20 altyn, 26 kúmis, 30 qola medalmen 4-orynǵa qaıta ornyqty.

2006 jyly Qatarda da tórttikten túsken joqpyz.

2010 jyly Qytaıdyń Gýanchjoý qalasynda ótken dodada aldymyzǵa Irandy jiberip, 5-orynǵa syrǵydyq.

Al 2014 jyly Ońtústik Koreıanyń Inchhon qalasynda ótken XVII jazǵy Azıadada 28 altyn, 23 kúmis, 33 qola medalmen úzdik tórtinshi orynǵa qaıta qol jetkizdik.

Odan keıin el sportshylary 2018 jyly Indonezııanyń Djakarta jáne Palenbang qalalarynda ótken Saryqurlyq dodasynda baq synady.

Onda el namysyn 419 sportshy qorǵap, 15 altyn, 17 kúmis, 44 qola medalmen jalpy esepte 9-orynǵa taban tiredi.

Jazǵy Azıadada Qazaqstan sportshylary men úzdik úshtikti túıindegen elderdiń medaldar kestesi:

1994 jyl. XII - Hırosıma - Japonııa

№	Memleket	Altyn	Kúmis	Qola	Barl.
1	Qytaı	125	83	58	266
2	Japonııa	64	75	79	218
3	Ońtústik Koreıa	63	56	64	183
4	Qazaqstan	25	26	26	77

1998 jyl. XIII. Bangkok - Taıland

№	Memleket	Altyn	Kúmis	Qola	Barl.
1	Qytaı	129	78	67	274
2	Ońtústik Koreıa	65	46	53	164
3	Japonııa	52	61	68	181
4	Taıland	24	26	40	90
5	Qazaqstan	24	24	30	78

2002 jyl. XIV. Pýsan - Ońtústik Koreıa

№	Memleket	Altyn	Kúmis	Qola	Barl.
1	Qytaı	150	84	74	308
2	Ońtústik Koreıa	96	80	84	260
3	Japonııa	44	74	72	190
4	Qazaqstan	20	26	30	76

2006 jyl. XV. Doha - Qatar

№	Memleket	Altyn	Kúmis	Qola	Barl.
1	Qytaı	165	88	63	316
2	Ońtústik Koreıa	58	52	82	192
3	Japonııa	50	71	78	199
4	Qazaqstan	23	20	42	85

2010 jyl. XVI. Gýanchjoý - Qytaı

№	Memleket	Altyn	Kúmis	Qola	Barl.
1	Qytaı	199	119	98	416
2	Ońtústik Koreıa	76	65	91	232
3	Japonııa	45	74	94	216
4	Iran	20	14	25	59
	Qazaqstan	18	23	38	79

2014 jyl. XVII. Inchhon - Ońtústik Koreıa

№	Memleket	Altyn	Kúmis	Qola	Barl.
1	Qytaı	151	109	83	343
2	Ońtústik Koreıa	79	71	84	234
3	Japonııa	47	76	76	199
4	Qazaqstan	28	23	33	84

2018 jyl. XVIIIDjakarta, Palenbang (Indonezııa)

№	Memleket	Altyn	Kúmis	Qola	Barl.
1	Qytaı	132	92	65	289
2	Japonııa	74	56	74	204
3	O. Koreıa	49	58	70	177
...9	Qazaqstan	15	17	44	76

Endi kezekti Saryqurlyq dodasy Qytaıdyń Hanchjoý qalasynda 23 qyrkúıek pen 8 qazan aralyǵynda ótedi.

Aıta keteıik, Azııa oıyndarynda Qazaqstannyń týyn boksshy Aslanbek Shymbergenov pen jeńil atlet Nadejda Dýbovıtskaıa kóterip shyǵady.

Jalpy jarysta 40 sport túrinen medaldar jıyntyǵy sarapqa salynady.