Qazaqstan Táýelsizdik jyldary demokratııalyq damý turǵysynda úlken jetistikterge qol jetkizdi - V.Shvımmer
Bul týraly búgin QR Parlamenti Májilisiniń saılaýy barysyn baıqaýǵa kelgen sheteldik delegattardyń baspasóz máslıxatynda Avstrııa atynan kelgen xalyqaralyq baıqaýshy Valter Shvımmer málim etti.
"Bizdi Qazaqstandaǵy quqyqtyq jaǵdaı, demokratııanyń damýy men adam quqyǵyn saqtaý máseleleri qyzyqtyrady. Sonymen qatar sizderdiń eldegi demokratııalyq protsesterdiń damýy bizdiń nazarda. Qazaqstan Táýelsizdik alǵaly beri úlken qadam jasady. Búgingi saılaý oǵan dálel. Parlament saılaý Qazaqstannyń ary qaraı demokratııalyq damýyna úlken serpin beredi dep senemin",- dep atap ótti ol.
"Keshe men Ortalyq saılaý komıssııasynda boldym. Biz saılaýǵa qatysty birqatar máselelerdi talqyladyq. Men birneshe saılaý ýchaskelerinde boldym. Sizderde barlyq ýchaskelerde daýys berý talaptary qatty saqtalady. Meni qatty tańqaldyrǵany - saılaýǵa jastardyń kóp kelýi. Olardyń barlyǵy óz erikterimen kelýde. Bul óte mańyzdy", - dedi V. Shvımmer.
Aıta keteıik, QR Parlamenti Májilisiniń depýtattaryn saılaý barysyn baqylaýǵa 817 xalyqaralyq baıqaýshy men 147 sheteldik BAQ ókilderi kelip otyr.
