Qazaqstan táýelsizdik alǵan kezden beri 948 myńnan astam adam el azamattyǵyn aldy - Á. Jaqsybekov
ASTANA. QazAqparat - QR Memlekettik hatshysy Ádilbek Jaqsybekovtiń tóraǵalyǵymen Qazaqstan Respýblıkasy Prezıdenti janyndaǵy Azamattyq máseleleri jónindegi komıssııanyń otyrysy ótti, dep habarlaıdy Aqordanyń baspasóz qyzmeti.
Otyrys barysynda Qazaqstan azamattyǵyn alý jáne odan shyǵý máseleleri qaraldy. Memlekettik hatshy atap ótkendeı, elimizdiń azamattyǵyn Qazaqstan táýelsizdik alǵan kezden beri 948 myńnan astam adam alǵan, onyń kóbisi sońǵy jyldarǵa tıesili.
Memleket basshysy tıisti Jarlyqqa qol qoıǵannan keıin elimizge TMD elderinen jáne alys shet elderden kelgen túrli ult ókilderi Qazaqstannyń jańa azamattary atanady.
Sonymen qatar, otyrysta respýblıkamyzdyń azamattyǵyn ózgertýge qatysty birqatar uıymdastyrýshylyq jáne quqyqtyq máseleler talqylandy.
Komıssııa otyrysynyń qorytyndysy boıynsha tıisti sheshimder men usynymdar qabyldandy.
