Qazaqstan Táýelsizdiginiń 20 jyldyǵyna oraı Germanııada toǵyzqumalaqtan týrnır ótkizý týraly sheshim qabyldandy
ASTANA. 1 naýryz. QazAqparat - Berlınde Qazaqstan elshiligi nemis qoǵamdastyǵynyń ókilderimen birlese otyryp, 7-qysqy Azıada oıyndarynyń qorytyndysyn shyǵardy, dep habarlaıdy QR syrtqy ister mınıstrliginiń baspasóz qyzmeti.
Qazaqstan elshisi Nurlan Ońjanov jınalǵan qonaqtarǵa Azıada qorytyntysy týraly, atap aıtqanda qazaq sportshylarynyń 70 medal, sonyń ishinde 32 altyn júldege ıe bola otyryp, komandalyq esepte birinshi orynǵa shyqqany týraly baıandady
«Eurosport» sport arnasynyń túsindirmeshisi Hendrık Shambergerdiń aıtýynsha, Azıadanyń ashylýy jaıly reportajdar Qazaqstannyń qysqy oıyndarǵa tamasha daıyndalǵandyǵyn, Astana men Almaty qalalaryndaǵy jańa sport nysandaryna aýqymdy ınvestıtsııalar tartylatyndyǵyn kórsetedi.
Gýmboldt Ýnıversıteti janyndaǵy sport ınstıtýtynyń halyqaralyq bóliminiń jetekshisi Martın Holvets Sport ınstıtýtynyń Germanııa Olımpıadalyq Qoǵamynyń múshesi ekenin aıta kelip, qazaqstandyq jáne nemis stýdentteriniń ózara almasýy jáne eki eldiń JOO-ynda oqytý múmkindigin usyný úshin «Bolashaq» baǵdarlamasymen ózara is-qımyldy jolǵa qoıý qajettigin usyndy.
Bavarııada turatyn toǵyzqumalaqtan Qazaqstan chempıony ıÝrıı Nold jınalǵandarǵa osy ulttyq oıynnyń mánisin túsindirip, birneshe qatysýshylarmen jarys ótkizdi. Bul oıyn olardyń qyzyǵýshylyǵyn týǵyzdy, sondyqtan da Qazaqstan táýelsizdiginiń 20 jyldyǵyn Germanııada merekeleý aýqymynda toǵyzqumalaqtan týrnır ótkizý týraly sheshim qabyldandy.
