Qazaqstan táýelsizdigine 30 jyl: Maındaǵy Frankfýrtta fotokórme ashyldy
Bul týraly QazAqpart QR Syrtqy ister mınıstrliginiń baspasóz qyzmetine silteme jasap habarlaıdy.
Kórmeniń ashylý rásiminde Qazaqstannyń Germanııadaǵy Elshisi Dáýren Káripov jáne Maındaǵy Frankfýrt qalasyndaǵy Bas konsýly Ermuhambet Qonyspaev memleketimizdiń tarıhy men halqymyzdyń mádenıeti, sondaı-aq salt-dástúrleri týraly aıtyp ótti.
German tarapynan fotokórmeni resmı túrde Frankfýrt qalasy magıstratynyń (Keńesiniń) keńesshisi Ina Haýk ashty. Alǵy sózinde nemis saıasatkeri memleketimizdiń saıası jáne ekonomıkalyq jetistikterin joǵary baǵalap, zamanaýı halyqaralyq qatynastardaǵy mádenı-gýmanıtarlyq baılanystarynyń ereksheligin atap ótti.
Іs-sharaǵa qatysýshylar Qazaqstannyń zamanaýı arhıtektýrasyn, tabıǵatyn, ulttyq taǵamdary men adamdaryn, aımaqtyq erekshelikteri men ekonomıkalyq múmkindikterin, sondaı-aq memleketimizdiń halyqaralyq arenadaǵy beıbitshilikke baǵyttalǵan erekshe rólin kórsetetin fotokórmeni tamashalaı aldy.
Ashylý rásimi qazaq ulttyq mýzykasymen aıaqtaldy. Arnaıy osy kórmege kelgen Almaty qalasynyń «Alataý» dástúrli óner teatrynyń ártisteri ulttyq aspaptar – dombyra men jetigendi klassıkalyq vıolonchelmen ushtastyryp, qonaqtardyń erekshe nazaryna ıe boldy.
