Qazaqstan Táýelsizdigin moıyndaǵan alǵashqy el bolǵanymyzdy maqtan tutamyz - Túrkııa Elshisi

ASTANA. QazAqparat - Qazaqstannyń Táýelsizdigin moıyndaǵan alǵashqy memleket bolǵanymyzdy maqtan tutamyz. 

Bul týraly Túrkııa Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Nevzat Ýıanyk eki el arasyndaǵy  dıplomatııalyq qarym-qatynastyń ornaǵanyna 25 jyl tolýyna oraı bildirgen pikirinde aıtty, dep habarlaıdy QazAqparat.

"Búgin Qazaqstan men Túrkııa arasyndaǵy dıplomatııalyq qarym-qatynastarymyzdyń ornaǵanyna 25 jyl toldy. Qazaqstannyń Táýelsizdigin moıyndaǵan alǵashqy memleket bolǵanymyzdy maqtan tutamyz. Dostyǵymyz ortaq tarıh pen mádenı baılanystardan nár alýda. Ózara tıimdilik pen syılastyq negizinde eki jaqty qarym-qatynastarymyzdyń odan ári nyǵaıa túsetinine senimdimin" , - dedi Túrkııa Elshisi.