«Qazaqstan Táýelsizdigi jáne Elbasy» baıqaýynyń bıylǵy jeńimpazdary marapattaldy
«Bul shara jyl saıyn Táýelsizdik kúni qarsańynda ótkizilip, jaqsy dástúrge aınaldy. Bıyl konkýrsymyz 6-shy ret ótýde jáne Táýelsizdigimizdiń 30 jyldyq mereıtoıyna tuspa-tus kelip otyr. Baıqaý Qazaqstannyń táýelsizdik jyldaryndaǵy jetistikterin nasıhattaýǵa, Qazaqstannyń Tuńǵysh Prezıdenti Nursultan Nazarbaevtyń ıdeıalary men bastamalaryn ilgeriletýge baǵyttalǵan. Teginde, ony quraıtyn tarıhı mura. Bul rásimniń Tuńǵysh Prezıdent kúni men Táýelsizdik kúni arasynda ótýiniń tereń sımvoldyq máni bar.
Óıtkeni, Táýelsizdik jáne Elbasy N. Nazarbaev uǵymdary bir-birimen tyǵyz baılanysty, óıtkeni bizdiń elimizdiń barlyq jetistikteri N. Nazarbaevtyń Qazaqstan kóshbasshysy retindegi qyzmetiniń tikeleı nátıjesi bolyp sanalady. Otandyq BAQ ta – bizdiń Táýelsizdigimizdiń mańyzdy qundylyqtarynyń biri. Sońǵy 30 jylda olar elmen birge úlken joldan ótti, shynaıy tórtinshi bılikke aınalyp, tanymal jýrnalıster tobyn qurdy», - dedi «QR Tuńǵysh Prezıdenti – Elbasy kitaphanasy» MM dırektory Baqytjan Tileýbolat saltanatty rásimde.
Sonymen birge, konkýrs komıssııasynyń múshesi Darhan Myńbaı qazirgi álemde BAQ-tyń alatyn orny, mańyzy erekshe ekenin, sondyqtan mundaı baıqaýlardy ótkizý qajet ekenin atap ótti.
«Bul baıqaý 2016 jyldan beri ótkizip keledi jáne jyl saıyn sapasy da artyp keledi. ıAǵnı tek habardy jasaýshylar ǵana emes, ony tutynatyn adamdardyń da talǵamy kóterilip keledi. Baıqaýdyń taǵy bir ereksheligi – tek Qazaqstannan emes, álem jýrnalısteri de qatysa alady. Bul Qazaqstandy álemge tanytýdyń bir joly dep bilemiz. Bıyl TMD elderinen, Kanada men Izraılden materıaldar kelip tústi. Bul Qazaqstanǵa, Qazaqstannyń ekonomıkasyna qyzyǵýshylyqtyń artýynan dep esepteımin. Jýrnalıstıkada, ekonomıkada jáne barlyq salada shekara joq zamanda mundaı konkýrstardyń paıdasy zor dep oılaımyn. Ol tilshiler men kontenttiń sapasyn kóterýde de úlken ról oınaıdy», - dedi D. Myńbaı.
Eń aldymen «Sheteldik BAQ-taǵy úzdik jarııalanym» atalymynda І oryn túrkııalyq Business Turk jýrnalynyń qyzmetkeri Muhammed Rýzýbaıǵa berildi. ІІ oryn – ulybrıtanııalyq Nık Fıldıngke (East-West Review Journal) jáne ІІІ oryn reseılik Andreı Vypolzovqa (Rossıısko-Kazahstanskıı press tsentr, gazeta «Argýmenty ı fakty») berildi.
«Gazetter men jýrnaldardaǵy úzdik maqala» boıynsha «Egemen Qazaqstan» gazetinyń jýrnalısi Abaı Otar top jardy. ІІ oryndy Igor Prohorov («Kazahstanskaıa pravda» gazeti), ІІІ oryn Ǵalym Qojabekov («Astana aqshamy» gazeti) ıelendi.
«Ǵalamtor BAQ-taǵy úzdik jarııalanym» atalymynda Ásel Álisheva («Delovoı Kazahstan» gazeti), Tatıana Kazantseva («Lıter» gazeti) jáne Atsalım Idıgov («Ognı Alataý» gazeti) І, ІІ jáne ІІІ oryndarmen marapattaldy.
«Úzdik televızııalyq materıal» nomınatsııasynda «Habar» agenttiginen Іnjý Qabyldına І oryn aldy. Astana TV tilshisi Irına ıAnınına men «Qazaqstan Saryarqa» tilshisi Vıtalıı Nesipbaev ІІ jáne ІІІ oryndardy ıelendi.
«Úzdik radıomaterıal» atalymynda І oryn – Saltanat Sádibekovaǵa (Qazaq radıosy), ІІ oryn – Almıra Elimsarınaǵa (Qazaq radıosy) jáne ІІІ oryn Evgenııa Grıshanınaǵa (Radıo NS) tabystaldy.
Júldegerlerge birinshi oryn úshin 1 mıllıon teńge, ekinshi oryn úshin – 700 myń teńge jáne úshinshi orynǵa – 500 myń teńgeden aqshalaı sertıfıkat tabystaldy.
