Qazaqstan taýar eksporttaýdy 20,6 paıyzǵa arttyrdy

NUR-SULTAN. QazAqparat – 2021 jyldyń 9 aıynda Qazaqstan taýarynyń eksporty 20,6 paıyzǵa artty. Bul týraly QR Saýda jáne ıntegratsııa mınıstri Baqyt Sultanov aıtty, dep habarlaıdy QazAqparat tilshisi.

«Álemdik ekonomıkadaǵy teris tendentsııanyń jalǵasýyna qaramastan 2021 jyldyń 9 aıy Qazaqstan Respýblıkasynyń syrtqy saýdasyna aıtarlyqtaı oń dınamıka alyp keldi. Atap aıtqanda, ótken jyldyń 9 aıymen salystyrǵanda taýar aınalymy 12,7 paıyzǵa artyp, 72,8 mlrd dollarǵa jetti. Bul rette eksport 20,6 paıyzǵa ulǵaıdy», - dedi mınıstr Senatta ótken Úkimet saǵatynda.

Sonymen qatar ol Eýrazııalyq ekonomıkalyq odaq aıasynda da 9 aıdyń qorytyndysynda taýar aınalymy 18,5 mlrd dollarǵa jetkenin, bul 2020 jylǵy dál osyndaı kezeńmen salystyrǵanda 28,4 paıyzǵa joǵary ekendigin atap ótti.

«Eksportta 39,2 paıyzǵa artyp, 5,6 mlrd dollar boldy. Biz kópjaqty ıntegratsııalyq jáne halyqaralyq alańdarda ekonomıkalyq múddemizdi ilgeriletý baǵytynda belsendi jumys istep jatyrmyz», - dedi Baqyt Sultanov.