Qazaqstan tatamı sheberleri Zagrebtegi týrnırdi 2 orynmen aıaqtady

ASTANA. KAZINFORM – Horvatııa astanasy Zagrebte ótip jatqan dzıýdodan Gran-prı básekesiniń sońǵy kúni taǵy bir otandasymyz tatamıge shyqty.

Áıelder arasynda asa aýyr salmaqtaǵy (+78 kg) Aqerke Ramazanova alǵashqy aınalymda jarys qojaıyny Marselına Vranesti jyqty. Alaıda Ulttyq qurama sportshysy shırek fınalda frantsýz Koralı Heımnen utylyp qaldy. 

Al jubanysh beldesýinde aýstrııalyq dzıýdoshy Marııa Hellvarttan utylyp, júldege qol jetkize almady.

Jalpy Qazaqstan quramasy Zagrebtegi týrnırde 2 altyn, 1 kúmis júldege qol jetkizip, jalpy esepte Japonııadan (3 altyn, 1 qola) keıingi 2-orynǵa taban tiredi. 

Birinshi jarys kúni erler arasynda Sherzod Davlatov (60 keli) pen Janarys Rahmetqalı (66 keli) altynnan alqa taqty. Al áıelder arasynda Ǵalııa Tynbaeva (48 keli) fınalda qarsylasy Kogo Vakanaǵa ese jiberip kúmis júldeni ıelendi.

Bul jarysqa 40 memleketten 320 tatamı sheberi jınaldy.