Qazaqstan Tashkentte ótken mýaıtaıdan álem chempıonatynda on medaldi jeńip aldy

20-27 qyrkúıek kúnderi Tashkenttegi «Ózbekstan» sport kesheninde ótken chempıonatqa álemniń 70 elinen 700-den astam sportshy qatynasty. Qazaqstandyq 19 taıboksshy apta boıy «A», jáne «V» toptarynda, jasóspirimder jekpe-jekte saıysty. Fınaldyq jáne jartylaı fınaldyq urystarda Darqan Qazıev (V klasy, 63 kg), Dıdar Bolatov (45 kg) jáne Damır Tólenov (S klasy, 57 kg) altyn júldelerge ıe boldy. Kúmis medaldar Ádilet Túkibaevtyń (57), Álfarabı Qoıbaǵarovtyń (V klasy, 60 kg), Ishar Hasanovtyń (51 kg, S klasy) úlesterine tıdi. Budan basqa Janserik Ámirjanov (63,5 kg), Almaz Smaǵulov (A klasy, 71 kg), Dáýren Erǵabylov (S klasy, 81kg), Nurym Kemal (54 kg, V klasy) qola júldelerdi oljalady.

Mýaıtaıdan álem chempıonatynyń jabylý rásimi búgin Tashkenttegi «Ózbekstan» sport kesheninde ótedi.