Qazaqstan tarıhynda alǵash ret tórt tóreshi Úlken dýlyǵa týrnırine qazylyq etti
NUR-SULTAN. QazAqparat - Qazaqstan tarıhynda alǵash ret tórt tóreshi «Úlken dýlyǵa» týrnırine qazylyq etti, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, Merýert Kaýkeeva (Taldyqorǵan), ıÝlııa Ignatchenko (Almaty), Borıs Kravchýk (Qostanaı) jáne Vladlena Samenkova (Aqtóbe) Ýımbldon jarysynda tórelik jasap, deńgeıleriniń joǵary ekendigin kórsete bildi.
Borıs pen Vladlena irikteý saıystarynda jáne jasóspirimder týrnırine qazylyq etti. Al Merýert pen ıÝlııa erler jáne áıelder arasynda jekeleı synda negizgi dodada tóreshi boldy.
«Qazaqstanda qazylyqty damytý baǵdarlamasy eki baǵytta alǵa jyljyp keledi. Biri - jańa kadrlardy tartý jolymen semınarlar ótkizý arqyly Ulttyq sanat tóreshilerin daıarlaý. Ekinshisi - halyqaralyq semınarlar men qazylyq mektepter arqyly álemdik deńgeıdegi referılerdi tárbıeleý», dep habarlady vedomstvodan.
Eske sala keteıik, budan buryn ıÝlııa Pýtıntsevanyń Býdapesht týrnıriniń shırek fınalyna ótkenin jazǵan bolatynbyz.
