Qazaqstan tarıhynyń jańa kóptomdyǵy bıyl daıyn bolady

ASTANA. KAZINFORM – Ǵylym jáne joǵary bilim mınıstri Saıasat Nurbek Ulttyq quryltaıdyń 4-otyrysy aıasynda Qazaqstan tarıhynyń jańa akademııalyq basylymyn ázirleý jumysynyń barysy jaıynda aıtty.

- Quryltaı alańynda Memleket basshysy jańaa jylnamalyq 7 tomdy, ulttyq tarıhymyz jóninde úlken eńbekti jazý týraly tapsyrma bergen edi. Bıyl osy jumysty aıaqtaýdy josparlap otyrmyz, - dedi Saıasat Nurbek.

Akademııalyq basylymdy ázirleýge 5 ǵylymı ınstıtýt, elimizdiń 250-den jáne sheteldiń 60-tan astam tarıhshy ǵalymdary jumyldyryldy. Kóptomdyqqa 40-tan asa arheologııalyq zertteý materıaldary, tarıh, arheologııa jáne etnografııa salalary boıynsha 300-ge jýyq eńbek enedi. Ony daıyndaý barysynda halyqaralyq forýmdardyń, kóptegen ǵylymı konferentsııanyń, dóńgelek ústelder men ádistemelik semınarlardyń aıasynda arnaıy sektsııalar ótti. Osy is-sharalarda ǵylymı zertteýlerdiń nátıjeleri tekserildi, sondaı-aq ǵalymdardan, sarapshylardan jáne mamandardan usynystar alyndy.

Buǵan deıin Memlekettik keńesshi Erlan Qarın Almaty qalasyndaǵy Á.Marǵulan atyndaǵy Arheologııa ınstıtýtynda «Qazaqstan tarıhy: ejelgi dáýirden búginge deıin» atty jańa akademııalyq basylymdy ázirlep jatqan jetekshi ǵalymdarmen kezdeskenin jazǵan edik.