Qazaqstan tarıhynyń kóptomdyǵyn ázirleý barysy qaraldy
Memlekettik keńesshi Erlan Qarın «Ejelgi zamannan búgingi kúnge deıingi Qazaqstan tarıhy» atty jańa akademııalyq basylymnyń redaktsııa alqasy múshelerimen kezdesý ótkizdi. Jıynda kóptomdyqty ázirleý barysy qaraldy, dep habarlaıdy Kazinform.
Akademııalyq basylymnyń ár tomynyń jetekshileri – Á.H.Marǵulan atyndaǵy Arheologııa ınstıtýtynyń bas dırektory Aqan Ońǵar, Joshy Ulysyn zertteý ǵylymı ınstıtýtynyń dırektory Jaqsylyq Sábıtov, Sh.Ýálıhanov atyndaǵy Tarıh jáne etnologııa ınstıtýtynyń dırektory Zııabek Qabyldınov, R. Súleımenov atyndaǵy Shyǵystaný ınstıtýty janyndaǵy Tarıhı materıaldardy zertteý jónidegi respýblıkalyq aqparattyq ortalyqtyń dırektory Merýert Ábýseıitova, Memleket tarıhy ınstıtýtynyń dırektory Búrkitbaı Aıaǵan Memlekettik keńesshini jalpyálemdik úderister aıasynda Qazaqstan tarıhynyń negizgi kezeńderi qalaı jazylyp jatqanynan habardar etti.
Kezdesý qorytyndysy boıynsha Erlan Qarın ǵylymı issapar barysynda shetel arhıvterinen tabylǵan tól tarıhymyzǵa qatysty jańa muraǵat qujattary jáne sońǵy jyldardaǵy arheologııalyq zertteýlerdiń qorytyndylary osy irgeli ǵylymı eńbekke enýge tıis ekenin atap ótti.
Sondaı-aq Memlekettik keńesshi sapaly basylym ázirleý úshin ǵalymdardyń bul jumysqa jaýapkershilikpen qaraýy, avtorlar men redaktorlardyń tynymsyz eńbek etýi óte mańyzdy ekenin aıtty.
