Qazaqstan tarıhynda úshinshi ret alıment tólemegen áke qylmystyq jaza arqalap, bir jylǵa sottaldy
Alıment tóleýden qasaqana jaltaryp, jumys isteýden bas tartqan Shyǵys Qazaqstan oblysynyń turǵynyn sot bir jyl eki aıǵa bas bostandyǵynan aıyrdy, dep habarlaıdy Kazinform.
Respýblıkalyq jeke sot oryndaýshylary palatasy málim etkendeı, boryshkerge bas bostandyǵynan aıyrý jazasy sot oryndaý tarıhynda úshinshi ret bolyp otyr.
Kóp jaǵdaıda qylmystyq jaýapkershilik bas bostandyǵyn shekteýmen aıaqtalady, óıtkeni májbúrleý sharacynan keıin adam qaryzyn óteıdi.
Kóktemde Túrkistan oblysynyń turǵyny bir jyl 10 aıǵa bas bostandyǵynan aıyryldy.
Al oryndalý tarıhynda birinshi jaǵdaı 2021 jyldyń qazan aıynda Qostanaı oblysynda tirkelgen.
Esterińizge sala keteıik, adam qylmystyq jazaǵa tartylsa da, onyń balasyna alıment tóleý mindeti joıylmaıdy.
Balaǵa alıment, erte me, kesh pe, tólenýi kerek.
