Qazaqstan tarıhynda tuńǵysh ret semserlesýden Álem kýbogynyń kezeńi elimizde ótedi

ASTANA. KAZINFORM — 26-29 naýryz aralyǵynda Astanadaǵy QAZAQSTAN jeńil atletıka sport kesheninde bedeldi halyqaralyq týrnır jalaýyn kóteredi, dep habarlaıdy UOK baspasóz qyzmeti.

Jarysqa álemniń 96 elinen 600-den astam sportshy qatysady dep josparlanǵan. Álem kýbogynyń kezeńi erler men áıelder arasynda jekeleı jáne komandalyq syndar boıynsha uıymdastyrylady.

— Men semserlesýmen alǵash aınalysa bastaǵan kezde, Álem kýbogynyń bir kezeńi Qazaqstanda ótedi dep elestete de almaǵan edim. Biz úshin mundaı týrnırler árdaıym alys elderde — Italııa, Frantsııa, Vengrııa sekildi semserlesý dástúri qalyptasqan memleketterde ótetin, álemniń úzdik sportshylary sonda jınalatyn. Búgin biz Álem kýbogynyń mańyzdy kezeńderiniń birin óz elimizde qabyldap otyrmyz. Bul — el úshin de, qazaq semserlesýi úshin de zor maqtanysh. Mundaı iri jarystar jaıdan-jaı senip tapsyrylmaıdy. Bul — bizdiń deńgeıimizdiń moıyndalǵanyn bildiredi. Sondyqtan biz, sportshylar úshin, tek shetelde ǵana emes, óz jerimizde de sol deńgeıge saı óner kórsetý — úlken jaýapkershilik, — dedi Rýslan Kýrbanov.

Eske salsaq, jaqynda Qazaqstan jasóspirimder quramasy Azııa chempıonatynda semserlesýden qola medal ıelendi.