Qazaqstan tarıhynda alǵash ret aýyr atletter Olımpıadadan tys qaldy

ASTANA. KAZINFORM – Qazaqstandyq aýyr atletter úshin Taılandtyń Phýket qalasynda ótip jatqan lıtsenzııalyq álem kýbogy máresine jetti. Nátıjesinde táýelsiz Qazaqstan tarıhynda aýyr atletterimiz alǵash ret Olımpıada oıyndaryna qatysý múmkindiginen tys qaldy. 

Atalǵan birinshilikte baq synap jatqan sportshylarymyz arasynan jankúıerler 89 keli salmaqta Sergeı Petrovıchke qatty senim artqan bolatyn. Ókinishke qaraı lıtsenzııalyq jarysta bapkerler ony C tobynda synǵa qosty. Petrovıch ózi baq synaǵan topta top jarǵanymen bul salmaqtaǵy Olımpıada joldamasynyń ıegerleri A jáne V toby arasyndaǵy jeńimpazdar arasynda anyqtaldy. 

Esterińizge sala keteıik, 2012 jylǵy London Olımpıadasynda Ilıa Ilın, Zýlfııa Chınshanlo, Maııa Maneza, Svetlana Podobedova chempıon atandy. Biraq artynsha olardyń dopıng qoldanǵany dáleldenip, barlyǵy medaldaryn HOK-ke qaıtarǵan edi. Araǵa taǵy 4 jyl salyp Brazılııada Nıdjad Rahımov Rıo Olımpıadasynda chempıon atandy. Alaıda, ol da artynsha dopıng paıdalanǵany anyqtaldy. Nıdjad ta altyn medalin aldyńǵylar sııaqty qaıtaryp berdi.

Ókinishtisi, bıyl Frantsııa astanasy Parıj qalasynda ótetin XXXIII jazǵy Olımpıada oıyndaryna Qazaqstan quramasynan aýyr atletter eshbir joldamaǵa qol jetkize almady.