Qazaqstan tarıhyna qatysty biregeı qujattardyń kórmesi ótti
ASTANA. KAZINFORM — Qazaqstan Respýblıkasynyń Ulttyq arhıvinde Qazaqstan Respýblıkasy Mádenıet jáne aqparat mınıstrliginiń uıymdastyrýymen «Arhıv — 2025: nátıjeler men máseleler» atty respýblıkalyq ǵylymı-tájirıbelik konferentsııa ótti. Bul týraly vedomstvonyń baspasóz qyzmeti málim etti.
Іs-shara «Arhıv-2025» jobasy aıasynda shetelderdegi Qazaqstanǵa qatysty qujattardy anyqtaý, kóshirý, tsıfrlaý jáne jarııalaý baǵytynda jasalǵan jumystardy talqylaýǵa arnaldy.
Konferentsııaǵa QR Mádenıet jáne aqparat mınıstrliginiń ókilderi respýblıkalyq jáne óńirlik memlekettik arhıvterdiń qyzmetkerleri, tarıhshylar qatysty.
Konferentsııa sheńberinde Qazaqstan tarıhyna qatysty biregeı qujattardyń kórmesi uıymdastyryldy. Ekspozıtsııada Reseı, Germanııa, Mońǵolııa, Belarýs, Armenııa, Túrkııa sııaqty memleketterdiń arhıvterinen ákelingen qujattar qoıyldy. Onyń qatarynda stýdent Jumabaev Maǵjan Bekenulynyń 1923-1925 jyldardaǵy jeke isi, 1334 jyly sultan kezinde Áz Jánibek hanǵa arnalyp jazylǵan tarıhı qoljazba, 918 jyly Temir hannyń Saıbek hanǵa elshi jiberip, Buryndyqpen mámilege kelýi týraly derekter, 1784 jylǵy qazaq dalasyndaǵy kóne qalalardyń kórinisi, sondaı-aq Orta Azııadan kóshken 3000 qazaq máselesine qatysty sheshimder, olardy Kashmırge qabyldaý sııaqty qundy qujattardyń kóshirmesi qoıyldy.
Іs-shara aıasynda «Materıaly ı dokýmenty Rossııskogo gosýdarstvennogo voenno-ıstorıcheskogo arhıva po ıstorıı Kazahstana XIX veka» atty qujattar jınaǵynyń tusaýkeseri ótti.
Eske sala keteıik, buǵan deıin Qorǵanys mınıstrliginiń Ortalyq arhıvine úsh myńǵa jýyq muraǵat isi saqtaýǵa berilgenin jazǵan bolatynbyz.