Qazaqstan tarıhy týraly 7 tomdyqtyń negizgi jańalyqtary qandaı
ASTANA. KAZINFORM – Qazaqstan tarıhy boıynsha jaryq kóretin jeti tomdyqta Reseı, Qytaı, Parsy, Eýropa arhıvterinen tabylǵan tyń qujattar men derekter paıdalanylady. Bul týraly Memlekettik keńesshi Erlan Qarın depýtat Nartaı Aralbaıulyna bergen suhbatynda aıtty.
Memlekettik keńesshiniń sózinshe, ázirlenip jatqan Qazaqstan tarıhy kóptomdyǵynyń basty ereksheligi ádistemelik turǵysynan bolmaq.
– Bul kóptomdyqta órkenıettik tujyrymdama qoldanylady. ıAǵnı, Qazaqstan tek ejelgi memleketterdiń meken etken terrıtorııasy ǵana emes, ózindik tutas órkenıettiń oshaǵy men damý ortalyǵy retinde de kórsetiledi. Biz osy ýaqytqa deıin «osyndaı terrıtorııada osyndaı memleket bolǵan eken» degen tujyrymmen ǵana keldik jáne sony dáleldeýge tyrysatynbyz. Bizdiń oıymyzsha, bul dáleldeýdi qajet etpeıtin tujyrym. Qazaqstan aýmaǵynda túrli ejelgi memleketter bolǵany onsyz da belgili, - dedi E. Qarın.
Ol sonymen qatar Qazaqstan úlken kóshpeli dala órkenıetiniń oshaǵy ekenin de tilge tıek etti.
– Biz osy terrıtorııada ǵana emes, bizdiń terrıtorııadan tys aýmaqtarǵa da ózimizdiń mádenı, saıası yqpalymyzdy júrgizgenbiz. Osyndaı úlken ádistemelik jańalyǵymyz bolady. Muny biz jyl basynda Qazaqstan tarıhshylary kongresinde talqylaǵanbyz. Soǵan sáıkes ádistemelik top qurdyq. Top ishinde bul tujyrymdama talqylanyp, ony árbir tomda qoldanyp jatyrmyz. Mysaly biz buryn memlekettilik dáýirin Túrki dáýirinen bastasaq, qazirgi zertteýlerge sáıkes, memlekettilikti Saq dáýirinen bastaýǵa ábden bolatynyn kórsettik. Odan bólek Qazaqstan aýmaǵynda Altaı, Jetisý, Aral mańy, Botaı mádenıeti sııaqty birneshe órkenıettik areal bolǵanyn da kórsetemiz, - dedi Memlekettik keńesshi.
Mysaly kóptomdyqtyń ekinshi tomynda Qazaqstan terrıtorııasynda ártúrli kezeńde ómir súrgen 14-15 túrki memleketiniń tarıhy jazylmaq.
– Úshinshi tomda otandyq tarıh ǵylymynda tuńǵysh ret tutas Altyn orda dáýirin bólek keltiretin bolamyz. Buǵan kóptegen jańa derek qoldanylady. Keıingi jyldary júrgizilgen sheteldegi arhıv jumystarynyń nátıjesinde, buǵan deıingi derek boıynsha Reseı, Qytaı, Parsy, Eýropa arhıvterinen buryn-sońdy qoldanylmaǵan 6 myńǵa jýyq arhıvtik qujattar, kartalar tabyldy. Bular da osy kóptomdyqta jarııalanady. Sondyqtan bul kóptomdyqtyń jańalyqtary kóp bolady ári keńinen talqylanady, - dep tolyqtyrdy sózin Erlan Qarın.
Eske sala keteıik, buǵan deıin Erlan Qarın aýyl ákimderiniń korpýsy 100 paıyz jańartylǵanyn Telegram arnasyndaǵy paraqshasynda jazǵan bolatyn.