Qazaqstan tarıhı-mádenı týrızmniń 5 klasterin qurady
ASTANA. QazAqparat - QR Jańa tehnologııalar jáne ındýstrııa mınıstrliginiń Týrızm ındýstrııasy komıteti Qazaqstandaǵy tarıhı-mádenı týrızmniń 5 klasterin anyqtady,
dep habarlady vedomstvonyń baspasóz qyzmetinen. Qazaqstannyń týrıstik salasyn damytý tujyrymdamasy jobasyna sáıkes, «Astana» klasterine tarıhı eskertkishter, mádenıet jáne «Býrabaı», «Kókshetaý», «Buırataý», «Qarqaraly», «Baıanaýyl» MUTS tabıǵaty; Tasmola mádenıetiniń jaryqshaqty qoıtasty tóbeleri; megalıt dáýirine jatatyn Beǵazy-Dandybaı mádenıetiniń qorymdary, sonymen birge, «Uly jibek joly» atalymyna kirgen nysandar engen.
«Almaty» klasterine petroglıfterimen Tamǵaly arheologııalyq landshafty; ıÝNESKO-nyń aldyn ala tizimine engen «Altyn-Emel» MUTS, «Jańa-Іle» týrıstik ortalyǵy; ıÝNESKO-nyń aldyn ala tizimine engizilgen Eshkiólmes petroglıfteri, sonymen birge, «Uly jibek joly» ultaralyq serııalyq atalymyna engizilgen Esik qorǵany qosylǵan.
"Shyǵys Qazaqstan" klasterine Buqtyrma sý qoımasy; Ertis ózeni - Jaısań kóli; Qatonqaraǵaı MUTS; Marqakól ózeni men Qaljyr arnasy; Rıdder-Anataý jáne Ivan taýlary; Semeı qalasy engizilgen.
"Ońtústik Qazaqstan" klasterine kelesi nysandar engen: ıÝNESKO-nyń aldyn ala tizimine engizilgen Túrkistan qalasyndaǵy Qoja Ahmet ıAssaýı kesenesi; orta ǵasyrlarǵa jatatyn Otyrar qalashyǵynyń arheologııalyq nysandary men Otyrar oazısi, ıÝNESKO tizimindegi Saýran arheologııalyq kesheni, paleolıt ýchaskesi jáne geomorfologııasymen Qarataý MTQ; ıÝNESKO-nyń aldyn ala tizimine engizilgen Aqsý-Jabaǵyly memlekettik tabıǵı qoryǵy; Saıram-Ógem memlekettik ulttyq saıabaǵy; Qyzylorda, Saryaǵash, Taraz qalalary engizilgen.
«Batys Qazaqstan» klasterine Beket Ata, Shopan Ata jáne Qaraman Ata jer asty meshitteri, Omar men Týr kesenesi; Mańǵyshylaq túbeginiń qorymdary; «Bókeı Ordasy» eskertkishter kesheni; Sherqala taýy; Qaraqııa-Qarakól tabıǵatty qorǵaý aýmaǵy, Ústirt memlekettik tabıǵı qoryǵy; «Kendirli» demalys orny engizilgen.
Eske sala keteıik, Qazaqstannyń týrıstik salasyn damytý tujyrymdamasynyń jobasy Madrıdte «FITUR» kórmesinde tanystyrylyp, Búkilálemdik týrıstik uıymnyń bas hatshysy Taleb Rıfaıdiń maquldaýyna ıe boldy.
