Qazaqstan tarapynyń keden beketteri alynbaıdy, sondaı-aq Reseı tarapynan olar kúsheıtilmeıdi - RF FKQ Qazaqstandaǵy ókildiginiń basshysy
ASTANA. Shildeniń 1-i. QazAqparat /Marlan Jıembaı/ - Qazaqstan tarapynyń keden beketteri alynbaıdy, sondaı-aq Reseı tarapynan olar kúsheıtilmeıdi.
Bul týraly búgin QR Qarjy mınıstrliginiń Kedendik baqylaý komıtetinde Kedendik odaq qyzmetin túsindirý máselesine oraı call-ortalyqtyń ashylý rásiminde RF Federaldyq keden qyzmetiniń Qazaqstandaǵy ókildiginiń basshysy Vıacheslav Osıpov málimdedi.
Búgin, ıaǵnı shildeniń 1-inen bastap qazaqstan-reseı shekarasyndaǵy kedendik rásimdeý barlyq kelisimder men normatıvtik-quqyqtyq bazaǵa sáıkes alyp tastalǵanyn atap ótken ol, «kedendik baqylaý Reseıdiń de, Qazaqstannyń da tarapynan qalady. Kedendik baqylaýdy júrgizýdiń formalary jáne tásilderi kelisilgen, naqtylanǵan, qyzmeti barlyǵyna da belgili. Qandaı jaǵdaılarda qujattardy tekserý, kedendik qadaǵalaý syndy kedendik baqylaý formalary qoldanylatyndyǵyn barlyǵy biledi», dedi.
Sonymen qatar 2011 jylǵy shildeniń 1-inen bastap eki el arasyndaǵy kedendik beketter tolyǵymen joıylyp, kedendik baqylaý alynyp tastalatyn bolady. «Osy kezde Qazaqstannyń da, Reseıdiń de tarapynan memlekettik shekarada tek shekarashylar qalady. ıAǵnı, tolyqandy shekaralyq kóshi-qon baqylaýy ornaıdy», deıdi V.Osıpov.
Bul oraıda kedendik rásimdeý alynǵanymen, qujattardy, avtókólikterdi, olardaǵy júkterdi tekserý jalǵasa beretin bolady.
