Qazaqstan tarapynan Sırııada qalǵan azamattarǵa kómek kórsetýge qajetti barlyq sharalar qabyldanǵan - QR SІM
ASTANA 29 tamyz. QazAqparat - Qazirgi tańda Sırııada Qazaqstannyń 19 azamaty qaldy. Bul týraly búgin brıfıng barysynda QR Syrtqy ister mınıstrliginiń resmı ókili Janbolat Úsenov málim etti.
«Qazirgi tańda Sırııada konsýldyq esepke alynǵan 19 azamatymyz qalyp otyr. Olardyń eshqaısysy ázirge bizdiń dıplomatııalyq ókildikke Sırııa aýmaǵynan qaýipsiz jerge kóshýge qoldaý kórsetý týraly ótinish bildirgen joq. Eger bizdiń azamattarymyz kómek kórsetý nemese evakýatsııalaý jóninde ótinish bildirgen jaǵdaıda bizdiń dıplomattarymyz olarǵa jedel qoldaý kórsetýge daıyn»,- dedi ol.
J. Úsenovtiń atap ótýinshe, Sırııada konsýldyq esepte 220-dan astam Qazaqstan azamaty tirkelgen. Memleket ishindegi jaǵdaı kúrdelene bastaǵanda Qazaqstan tarapynan óz azamattaryna kómek kórsetýge qajetti barlyq sharalar qabyldanǵan.
«Aldyn ala jumys jospary ázirlenip, bizdiń Iordanııadaǵy elshiliktiń jáne kórshiles Lıvan men Túrkııadaǵy dıplomatııalyq ókildikterimizdiń kúshimen azamattarymyzǵa qujattardy rásimdeý, shekaradan ótý, bıletter satyp alý sekildi barlyq máselelerde kómek kórsetildi. Sırııa aýmaǵynan shyǵamyn degen barlyq azamttarymyz ýaqytyly qaýipsiz jerge kóshirildi»,-dedi resmı ókil.
