Qazaqstan tarapy reseılikterdi eki eldi baılanystyratyn joldardyń qurylysyn jyldamdatýǵa shaqyrdy
ASTANA. QazAqparat - Qazaqstan tarapy reseılikterdi Aqtóbe oblysyna qaraı baǵyttalǵan joldyń qurylysyn jyldamdatýǵa shaqyrdy. Bul týraly búgin Astanada Qazaqstan Parlamenti Senaty men Reseı Federatsııa Keńesiniń arasyndaǵy Yntymaqtastyq jónindegi komıssııanyń segizinshi otyrysynda QR Investıtsııalar jáne damý birinshi vıtse-mınıstri Jeńis Qasymbek málim etti.
Kún tártibi aıasynda shekara mańyndaǵy aımaqtardy damytý, sondaı-aq «Batys Eýropa - Batys Qytaı» halyqaralyq avtomobıl jolyn salý jobasyn iske asyrý máseleleri talqylandy.
«Qazaqstan men Reseı arasyndaǵy yntymaqtastyq aıasynda bul - iri ıntegratsııalyq jobalardyń biri. Qytaıdaǵy Lıanıýngan portynan Sankt-Peterborǵa deıingi dáliz 8 myń 400 shyqyrymǵa jýyq. Osy rette Qazaqstan arqyly 2 myń 787 shaqyrym ótedi. Biz bul jobany 2009 jyly bastadyq, ıaǵnı búginde barlyq jol qurylysy jumystaryn aıaqtaýǵa jaqyndadyq. Aqtóbe jáne Qyzylorda oblystarynda jumystar aıataldy», - dep toqtaldy vıtse-mınıstr.
J. Qasymbek bul baǵytta Reseı tarapy da jol qurylysy jobalaryn iske asyryp jatqanyn aıta kele, osy oraıda eki eldiń úkimet músheleri arasynda tıisti talqylaýlar bolǵanyn eske salyp ótti.
«Aqtóbe oblysy baǵytyndaǵy «Ýfa-Sterlıtamak-Orynbor» joly ýchaskeleriniń qurylysy boıynsha josparlar 2018-2019 jyldarǵa birshama keıinge shegerilip jatqandyǵyn bilemiz. Atap aıtqanda, biz reseılik áriptesterimizdi bul josparlardy ilgeriletip, jyldamtýǵa shaqyramyz»,- dep atap ótti ol.
