Qazaqstan tarapy QHR men Reseıden jetkizilgen kókónisti keri qaıtardy
«2017 jyldyń 1-14 sáýir aralyǵynda joǵary fıtosanıtarııalyq qaýpi bar karantınge jatqyzylatyn ónimderdi tekserý barysynda Qazaqstan Respýblıkasy jáne Eýrazııalyq ekonomıkalyq odaǵynyń ósimdik karantıni salasyndaǵy zańnamalyq buzýshylyqtyń 12 faktisi anyqtaldy»,-dep atap ótilgen QR AShM baspasóz qyzmetiniń málimetinde.
Atap aıtqanda, Reseı Federatsııasynan (40 tonna kartop, 1,05 tonna tuqymdy pııaz, 600 dana kóshet), Qyrǵyz Respýblıkasynan (19,5 tonna qyryqqabat, 49 tonna pııaz), Qytaı Halyq Respýblıkasynan (38 tonna kartop) jáne Ózbekstan Respýblıkasynan (628 dana kóshetter, 0,26 tonna keptirilgen jemister, 22 dana qumyralyq gúlder) ónimder elimiz aýmaǵyna mindetti ilespe fıtosanıtarııalyq sertıfıkatsyz jetkizilgen.
«Osyǵan jol bergender ákimshilik jaýapkershilikke tartyldy, sondaı-aq karantınge jatqyzylatyn ónimderdiń 147,8 tonnasy eksporttaýshy memleketterdiń aýmaǵyna qaıtaryldy»,-deıdi mınıstrlik mamandary.