Qazaqstan tarapy Iordanııaǵa astyq pen mal etiniń eksportyn arttyrmaq
ASTANA. QazAqparat - Qazaqstan tarapy Iordanııaǵa astyq pen mal etiniń eksportyn arttyrmaq. Bul týraly búgin Astanada Saýda-ekonomıkalyq jáne mádenı-gýmanıtarlyq yntymaqtastyq jónindegi Qazaqstan-Iordanııa Úkimetaralyq komıssııanyń tórtinshi otyrysynda QR Premer-Mınıstriniń orynbasary - Aýyl sharýashylyǵy mınıstri Asqar Myrzahmetov málim etti.
«Kesheden beri bolyp jatqan kezdesýlerde eki eldiń arasyndaǵy qarym-qatynasty damytýǵa baılanysty kóptegen máseleler talqylanyp jatyr. Osy rette talqylaýlardyń qorytyndysy boıynsha aldaǵa ýaqytta tıisti kelisimsharttarǵa qol qoıý kózdelip otyr. Atap aıtqanda, bilim berý, joǵary oqý orny salasyndaǵy yntymaqtastyqty ornatý, aýyl sharýashylyǵy salasynda birqatar usynystardy qaraý, standarttaý jáne metrologııa baǵytynda jumystar, áleýeti joǵary týrızm salasynda eki el arasynda qatynastardy damytý turǵysynda tıisti qujattardy qarastyrý, medıtsına men qorǵanys salasyndaǵy baılanysta birqatar sheshimder eskerilýde. ıAǵnı, birqatar salalardy qamtıtyn qujattardy kesheden beri komıssııa qarastyrdy»,-dedi A. Myrzahmetov.
Onyń atap ótýinshe, aýyl sharýashylyǵy salasynda baılanystardy odan ary qaraı damytý aıasynda tıisti qujattarǵa qosymsha qol máseleleri talqylandy.
«Biz ózimizdiń tarapymyzdan Iordanııaǵa Qazaqstannyń astyǵyn, mal sharýashylyǵy ónimderi eksporttaýǵa yntamyzdyń bar ekendigin aıttyq. Bizdiń oıymyzsha, keleshekte atqarylatyn sheshimderdiń aıasynda bul josparlar iske asyrylady»,-dedi A. Myrzahmetov.
Atalǵan Komıssııa Elbasy Nursultan Nazarbaevtyń Iordan Hashımıt Koroldigine 2006 jyly jasaǵan resmı sapary barysynda Iordan Koroli Abdalla ІІ ben Ál-Hýseınmen birlesip, ekijaqty kelisim negizinde qurylǵan bolatyn jáne ózara dıplomatııalyq-iskerlik baılanystardy arttyrý úshin Іskerlik keńes jumys jasaı bastady. Sol ýaqyttan beri eki memlekettiń arasyndaǵy saıası, saýda-ekonomıkalyq jáne mádenı-gýmanıtarlyq qarym-qatynastardyń deńgeıi joǵarylap, Memleket basshylarynyń birneshe kezdesýleri ótkizildi.
