Qazaqstan «Talıbandy» elde tyıym salynǵan uıymdar tiziminen shyǵardy

Qazaqstan «Talıbandy» elde tyıym salynǵan uıymdar tiziminen shyǵarady. Bul týraly QR SІM resmı ókili Aıbek Smadııarov Kazinform tilshisine bergen suhbatynda aıtty. 

— Aýǵanstan bıligin qolǵa alǵan «Talıban» qozǵalysy bizdiń elde tyıym salynǵan uıymdardyń tiziminde bolǵanyn bilemiz. Qazir de bul uıym sol tizimde me?

— Qazaqstanda tyıym salynǵan aýmaqtyq uıymdardyń ulttyq tizimine ony ózektendirý maqsatynda turaqty túrde revızııa júrgizilip turady.

Atalǵan protsess aıasynda, BUU tájirıbesine sáıkes, «Talıban qozǵalysyn» odan shyǵarý týraly sheshim qabyldandy.

— ıAǵnı, búgingi tańda BUU da «Talıban» qozǵalysyn terrorıstik dep tanyǵan uıymdar qatarynan shyǵarǵan bolyp tur ǵoı?

— BUU Qaýipsizdik Keńesiniń oryndaýǵa mindetti qararlaryna sáıkes, «Talıban qozǵalysy» BUU Qaýipsizdik Keńesi terrorıstik dep tanyǵan uıymdar tizimine kirmeıdi.

— Endigi jerde Qazaqstan men «Talıban» arasyndaǵy dıplomatııalyq qarym-qatynastar qalaı júrgiziletin bolady?

Saıası baılanystarǵa keler bolsaq, Qazaqstan budan ári de Qaýipsizdik Keńesi men BUU Bas Assambleıasy qabyldaıtyn sheshimder men qararlardy qatań ustanatynyn atap ótkim keledi.

Eske sala keteıik, búginde tálipter ártúrli eldermen, sonyń ishinde Qazaqstanmen dıplomatııalyq qarym-qatynas ornatyp, álemdik qaýymdastyq aldynda óz bedelin qalyptastyrýǵa tyrysyp jatyr. Eń jaqyn kórshilerimen belsendi saýda baılanysyn qurýǵa kúsh salýda.