Qazaqstan talanttardyń básekege qabilettiligi ındeksinde birden 39 satyǵa kóterildi
ASTANA. KAZINFORM – Qazaqstan kásiptik jáne tehnıkalyq daǵdylar boıynsha jahandyq talanttardyń básekege qabilettiligi ındeksinde 39 satyǵa joǵarylap, 122-orynnan 83-orynǵa kóterildi. Bul týraly Oqý-aǵartý mınıstri Juldyz Súleımenova Úkimet otyrysynda aıtty.
Mınıstrdiń aıtýynsha, búginde jumys berýshiler kásibı bilimmen birge kommýnıkatıvtilik, synı oılaý, beıimdelý jáne tsıfrlyq saýattylyq daǵdylaryna basymdyq berip otyr.
– Jahandyq talanttardyń básekege qabilettiligi ındeksi (GIK) boıynsha Qazaqstannyń kórsetkishteri jaqsardy. Kásiptik jáne tehnıkalyq daǵdylar boıynsha 122-orynnan 83-orynǵa kóterilip, óz pozıtsııasyn 39 satyǵa jaqsartty, – dedi J. Súleımenova Úkimet otyrysynda.
Álemdegi tehnologııalyq ózgerister de mamandyqtar qurylymyna áser etpeı qoımaıdy.
– 200-den astam jańa mamandyq paıda bolady, 100-ge jýyq mamandyq transformatsııalanady, 125 mamandyq boıynsha suranys tómendeıdi. Osy úrdister TjKB júıesin eńbek naryǵyndaǵy jáne tehnologııalyq ózgeristerge aldyn ala beıimdeýdi talap etedi, – dedi J. Súleımenova.
Buǵan deıin J. Súleımenova Qazaqstan kolledjderinen 32 mamandyq alynyp tastalýy múmkin ekenin aıtqan edi.
Olardyń ornyna 20 jańa mamandyq paıda bolady.
Al 2035 jyly 1,8 mln jumysshy mamanǵa suranys bolady.
