Qazaqstan taqtatas munaıyn óndirý áleýetin zertteýge kirispek - Energetıka vıtse-mınıstri
Eske salaıyq, forým aıasyndaǵy munaı-gaz konferentsııasy «Eýrazııa óńirindegi energııa qaýipsizdigi: jańa yntymaqtastyq mehanızmi» taqyrybynda ótken bolatyn. «Uzaqmerzimdi perspektıvada Qazaqstan Azııa óńiri boıynsha energetıkalyq qaýipsizdikti qamtamasyz etý múmkindigin nyǵaıtýǵa múddeli. Bul rette kórshiles Qytaı elimen yntymaqtastyq qyrlarynyń bir baǵyty Qazaqstannyń taqtatas (slantsty munaı-gaz) áleýetin birlese zertteýge negizdelmek», - dedi jıyn barysyndaǵy sózinde U. Qarabalın.
Vıtse-mınıstrdiń aıtýynsha, Soltústik Amerıka sekildi Qytaı da ótkizgishtigi tómen bolyp tabylatyn kollektordy paıdalaný áleýetin ilgeriletýde aıtarlyqtaı jetistikke jetken memleket.
«Qazaqstan qazirdiń ózinde dástúrli kómirsýtek shıkizatynyń aıtarlyqtaı qorlaryna ıe. Degenmen, biz jańa resýrstar men múmkindikterdi zertteýge umtylamyz. Bul rette osy baǵyttardyń biri bolyp tabylatyn kómir ken oryndaryndaǵy metandy zertteý boıynsha bizdiń elimizde belgili bir progrester bar ekenin aıtqym keledi. Sondaıaq, biz aldaǵy ýaqytta taqtatas áleýetin zertteýge tyń serpin bergimiz keledi», - dedi Uzaqbaı Qarabalın.