Qazaqstan Taılandtaǵy boks týrnırinde ekinshi «altyndy» jeńip aldy

NUR-SULTAN. QazAqparat – 81 kelige deıingi salmaq dárejesindegi qazaqstandyq boksshy Nurbek Oralbaı Phýkette Thailand Open-2022 týrnırindegi aqtyq aıqasyn ótkizdi, dep habarlaıdy QazAqparat Sports.kz-ke silteme jasap.

Ol rıngte úndistandyq Azııa-2019 chempıonatynyń kúmis júldegeri Ashısh Kýmarmen kezdesti. Nátıjesinde Oralbaı tóreshilerdiń biraýyzdan sheshimimen jeńiske jetti, al Kýmar kúmis júldeger atandy.

Buǵan deıin habarlaǵanymyzdaı, Serik Temirjanov (57 kg) «altyn», Sultan Mýsınov (63 kg) jáne Aslanbek Shymbergenov (69 kg) «kúmis» júlde alǵan bolatyn.

Sondaı-aq, búgin Nurbek Oralbaıdyń syńary Aıbek 91 kelige deıingi salmaq dárejesinde taılyq Djakkaponga Iomhotamen judyryqtasady.