Qazaqstan Taılandpen vızasyz rejım týraly kelisimdi bekitti

ASTANA. KAZINFORM – Etalondyq baqylaý banki portalynda Qazaqstannyń Taılandpen vızasyz rejım týraly kelisimdi bekitýi týraly qujat jobasy ornalastyrylǵan. 

«2024 jylǵy 23 sáýirde Bangkokta jasalǵan Qazaqstan Respýblıkasynyń Úkimeti men Taıland Koroldiginiń Úkimeti arasyndaǵy ulttyq pasporttardyń ıelerin vızalyq talaptardan bosatý týraly kelisim bekitilsin», - delingen qujatta.

Úkimet qaýlysy qol qoıylǵan kúnnen bastap qoldanysqa engiziledi.

«Bir tarap memleket azamattary, qoldanylý merzimi keminde 6 aıdan kem bolmaýǵa tıis jaramdy jol júrý qujattarynyń ıeleri, ekinshi tarap memleketiniń aýmaǵyna kelý, odan ketý, tranzıtpen ótý, onda ýaqytsha bolý úshin kelgen kúninen bastap kúntizbelik 30 kúnnen aspaıtyn, kúntizbelik 180 kúndik ár kezeń ishinde jıyntyǵy kúntizbelik 90 kún bolatyn kezeńge vızalyq talaptardan bosatylady», - dep túsindirilgen jobada.