El taekvondoshylary Paralımpıadanyń 3 lıtsenzııasyna ıe boldy

Qazaqstandyq sportshylar parataekvondadan Frantsııada ótetin Parıj Olımpıadasynyń 3 lıtsenzııasyna qol jetkizdi, dep habarlaıdy Kazinform.

Týrızm jáne Sport mınıstrliginen málim etkendeı, Paralımpıadanyń kvalıfıkatsııalyq reglamentine sáıkes K44 sanatynda 80 kelige deıingi salmaq dárejesinde parataekvondoshymyz Nurlan Dombaev, +80 keli salmaqta Nyshan Ómiráli jáne -57 keli salmaqta Kámılıa Dosmalova bıyl Parıjde ótetin básekeniń joldamasyna ıe bolǵan. 

Sportshylarymyz álemdik reıtıngtiń kórsetkishine sáıkes, top 20 úzdik sportshylar qataryna kirgen.

Búgingi kúnge deıin qazaqstandyq parasportshylarda Parıj 2024 oıyndarynyń 5 lıtsenzııasy bar: parajeńil atletıka, parapaýerlıftıng, voleıboldy otyryp oınaý, parakanoe jáne parajúzý.

Eske sala keteıik, 2020 jylǵy Tokıo Paralımpıadasynda Qazaqstan ulttyq quramasynan 25 sportshy 5 medal (1 altyn, 3 kúmis jáne 1 qola) jeńip alyp, jalpy esepte 48 orynǵa ıe bolǵan edi. 

Aıta keteıik, Parıj qalasynda XXXIII jazǵy Olımpıada osy jyldyń 26 shildesi men 11 tamyzy aralyǵynda ótse, HVІІ Jazǵy Paralımpıada 28 tamyz — 8 qyrkúıek aralyǵynda ótedi.