Qazaqstan taekvondo federatsııasy eki jattyqtyrýshyny jarystan shettetti
Qazaqstan taekvondo federatsııasy Astanada ótken konferentsııa otyrysynda tártip pen jarys erejesin buzǵan eki jattyqtyrýshyny jarystan shettetti, dep habarlaıdy Kazinform.
Federatsııa málim etkendeı, onyń biri – Almaty qalasynyń jattyqtyrýshysy Tólegen Tileýmuratov.
Ol tóreshiler men jattyqtyrýshylarǵa, jarysty uıymdastyrýshylar men ózge de tulǵalarǵa qurmetsizdik kórsetip, sporttyq etıkany óreskel buzǵany úshin eki jylǵa jarystardan shettetildi.
Al jarystan shettetilgen ekinshi tóreshi – astanalyq bapker Saparaly Ábdirashev. Ol Túrkistan qalasynda ótken respýblıkalyq týrnırdi uıymdastyrý barysynda sportqa, tóreshilerge jáne uıymdastyrýshylarǵa ádepsizdik tanytqan. Sol sebepti Ábdirashev te eki jylǵa jarystardan alastatyldy.
Bul rette Qazaqstan taekvondo (WT) federatsııasy jekelegen sportshylardyń, jattyqtyrýshylardyń jáne taekvondonyń basqa da mamandarynyń qoǵamǵa jat minez-qulyq tanytýlaryna jol bermeıtinin atap ótti.
