Qazaqstan ІT mamandary oılap tapqan qandaı startaptar shetelde tabysqa jetti
ASTANA. KAZINFORM – Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıevke Májilis otyrysynda depýtat saýalyna jaýap bere otyryp, shetelde tabysqa jetken qazaqstandyq ІT-startaptardy atady.
«Ózińiz aıtqandaı, qazir eksportqa shyǵarýǵa bolatyn daıyn sheshimderdiń jaqsy mysaldary bar. Bul: derekterdi saraptaýǵa arnalǵan Smart Data Ukimet platformasy, memlekettik aqparat júıelerimen ıntegratsııa jasaýǵa múmkindik beretin Smart Bridge júıesi, memlekettik organdardyń ýeb-saıttaryn biryńǵaı formatta qurastyrýǵa arnalǵan EPIR jobasy. Bul jobalardyń bári Ulttyq aqparattyq tehnologııalar uıymynda ornalasqan», - dedi vedomstvo basshysy.
Jaslan Mádıev ózdiginen halyqaralyq naryqqa shyǵyp úlgergen startap-jobalar bar ekenin atap ótti.
«Qazir 8 eldiń 300 mektebinde jumys istep turǵan CodePlay jobasyn bólek ataýǵa bolady. Bul ІT qoýtyǵa arnalǵan, LEGO-nyń arzandatylǵan nusqasy bar. Qoldaǵy kúre tamyr arqyly adamdy ajyratatyn Alaqan startaby bar. Búginde bul joba avtorlary Saýd Arabııasynda lıtsenzııa alýmen aınalysyp jatyr. «Jet» startaby da 8 elde jumys istep tur. Bul samokattardyń Uber-i deýge bolady. Olardyń parkinde 30 myń samokat bar. Qazir tabys deńgeıine shyǵa bastady. Sondaı-aq, «1 Fit» startaby bar. Bul startap Malaızııada eń kóp júkteletin qosymshalardyń biri bolyp otyr. Sondyqtan ózgelerge kórsetýge bolatyn jaqsy ІT sheshimder bar», - dedi J. Mádıev.
