Qazaqstan syrttan taǵy da iri qara mal satyp alady
«5 myń dollar turatyn asyl tuqymdy emes standartty taýarlyq mal ákeletin bolamyz. Múmkin Reseıden basym bóligin, shamamen 1000-1500 basty ákeletin shyǵarmyz. Syrttan ákelmesek qysqa ǵana ýaqyttyń ishinde mal basyn 2 ese kóbeıte almaımyz. Jergilikti mal basynyń jyldyq 4 paıyz ósimimen 100 jyl qajet bolady. Óıtkeni, ishki halyqtyń da tutyný kólemi artyp keledi», - dedi ol.
Onyń atap ótýinshe, syrttan mal basyn ákelý álemdik tájirıbe desek te bolady. Óıtkeni, óziniń mal sharýashylyǵyn damytqan álemniń barlyq elderi syrttan iri qara satyp alyp otyrǵan.
«Amerıka da, Kanada da sóıtti. Reseı 3-4 jyldyń ishinde 500 myń bas mal ákeldi. Sondyqtan bul durys. Jalpy mal bıýdjet qarajatyna satyp alynbaıdy. Jeke kompanııalar túrli qarajat kózderiniń kredıttik resýrstary esebinen ákeledi. Olar: ekinshi deńgeıli bankter, halyqaralyq qarjy uıymdary, mal ákelinetin elderdiń eksporttyq agenttikteri», - dedi Ómirzaq Shókeev.
Aıta keteıik, keshe Úkimet otyrysynda QR Aýyl sharýashylyǵy birinshi vıtse-mınıstri Arman Evnıev «2018-2027 jaldarǵa arnalǵan etti mal sharýashylyǵyn damytý» baǵdarlamasynyń tujyrymdamasyn tanystyrǵan bolatyn.
Atalǵan qujatta iri qara mal sanyn 7 mıllıonnan 15 mıllıon basqa deıin kóbeıtý, sıyr jáne qoı eti óndirisin 600 myń tonnadan 1,6 mln tonnaǵa deıin arttyrý, eksporttan túsetin paıda kólemin 2,4 mlrd AQSh dollaryna deıin ulǵaıtý, 1 jumysshyǵa eńbek ónimdiligin 1000 AQSh dollarynan 8000 AQSh dollaryna deıin ósirý kózdelgen.