Qazaqstan syrttan keletin kontrafaktilik azyq-túlikti joıyp otyratyn bolady
ASTANA. QazAqparat - Qazaqstan syrttan keletin kontrafaktilik azyq-túlikti joıady nemese ony óndirýshilerine qaıtaryp otyrady.
Bul týraly búgin Ortalyq kommýnıkatsııalar qyzmetindegi baspasóz máslıhatynda QR Premer-Mınıstriniń birinshi orynbasary Baqytjan Saǵyntaev málim etti.
B. Saǵyntaev Qazaqstanǵa óte kóp kontrafaktili ónim kirgiziletinin, onyń ishinde azyq-túlik ónimi sektory da bar ekenin aıta kele, «ıAǵnı sútten jasalǵan sýsyndar sút retinde, al margarın sary maı retinde ákelinedi. Biz kontrafakti boıynsha vedomstvoaralyq komıssııa qurý týraly sheshim qabyldadyq»,-dedi.
Qazirgi kezde komıssııaǵa ótinimder túsýde. Osy problemamen kúreste barsha baqylaýshy organdar jumyldyryldy.
«Nátıjesinde ónim densaýlyqqa zııanyn keltirse, ony joıyp otyramyz, sondaı-aq ónimdi kirgizýge tyıym salynady nemese ony óndirgen elge qaıtaratyn bolamyz»,-dedi ol.
